“I will make you fall for me again. You’ll see.”

Whirlwind romance. Iyon ang nangyari kina Trisha at Duke.  Nagkita sila sa isang cruise ship at na-in love agad sa isa’t isa. Pero sa pagdaong ng cruise ship sa huling destinasyon, nagwakas din ang kanilang relasyon.

Pero may ibang plano pala si Duke. Sinundan nito si Trisha sa Pilipinas. At tinanggap naman uli niya ang binata.

Ibinigay niya ang lahat-lahat kay Duke, hindi man lang nagtira para sa sarili. Umasa kasi siyang for keeps ang kanilang relasyon. Na hinding-hindi iyon matitibag.       

Pero kung kailan kailangang-kailangan niya si Duke, saka ito muling umalis…

Mahigit apat na taon ang lumipas. Naka-get over na si Trisha sa matinding heartbreak at depression… nang muling bumalik si Duke. Kumakatok uli at nagsusumamo sa kanyang puso.

Patatawarin at susugal ba uli siya sa lalaking hindi lang makailang beses na sinaktan ang kanyang puso kundi muntik pang maging dahilan ng pagkasira ng buhay niya?