All of the signs. All of the feelings. Alam niyang isa lang ang dahilan ng mga iyon. She was in love with Lewis.

Bilang showbiz reporter ay walang pinapalampas na tsismis, scandal o bagong balita tungkol sa mga artista si Yssa Perez. Ginagawa niya ang lahat para makakuha ng balitang kikiliti sa mga fans.
Pero nagulo ang mundo niya nang sa paghahanap ng istorya ay nakasaksi siya ng isang malagim na krimen. Hindi rin niya akalain na dahil sa pangyayaring iyon ay muling magkukrus ang mga landas nila ng dating artista na si Lewis Carter—dati, dahil iniwan nito ang showbiz pagkatapos ng exposé niya sa lalaki. At dahil minamalas, napunta pa kay Lewis ang iniingatan niyang mga ebidensiya sa nasaksihang krimen.
Alam ni Yssa na dadaan muna siya sa butas ng karayom bago makuha ang mga ebidensiya kay Lewis dahil galit pa rin ito sa kanya. Pero hindi siya susuko at kahit kailan ay hindi siya magpapatalo kay Lewis.
Pero paano siya mananalo kung ang guwapo ni Lewis sa paningin niya? Kung kumakabog ang kanyang dibdib kapag nasa tabi niya ang lalaki? Saka bakit parang sarap na sarap siya sa mga halik nito?
May iba pa bang paliwanag sa nararamdaman niya? Mahal na niya si Lewis?