Seventeen si Julienne nang makilala niya si Axel sa isang bar. Nagrebelde kasi siya noon dahil sa pagiging sobrang istrikto ng mga magulang. Na-attract agad sila sa isa’t isa, hanggang sa may nangyari sa kanila. Halos itakwil siya ng mga magulang. Sa kabila niyon, naramdaman naman ni Julienne ang pagmamahal ni Axel. Pero isang malaking trahedya ang nagpabago sa kanilang mga buhay. Nasira ang pagsasama nila. At ang pinakamasakit, bigla siyang iniwan ni Axel kung kailan kailangang-kailangan niya ito.

Sa paglipas ng mga taon, dala-dala pa rin ni Julienne ang pait ng kanyang nakaraan. At ipinapakita niya iyon sa pagsusuot ng itim na damit kahit sa masasayang okasyon. Inakala niya na mapapanindigan ang ginagawa habang-buhay. Pero hindi niya inaasahan na makikita uli si Axel. At kahit anong iwas ang gawin niya, determinado ito na muling bumalik sa buhay niya.

Gustong magmatigas ni Julienne at ipakita kay Axel ang sobrang galit at sama ng loob na idinulot nito sa kanya. Pero ayaw pumayag ng kanyang puso na labis pa rin palang nagmamahal kay Axel.