“I love you, Angela, so much. I thought that I would never experience happiness again. But you came and taught me how to smile again.”

Ipinangako ni Angela sa sarili na pagbabayarin ang lalaking nagtulak sa kanyang kapatid sa maaga nitong kamatayan.

Pagkaraan ng pitong taon, nahanap din ng imbestigador na inupahan niya ang Miguel na binanggit ng kanyang kapatid sa huling sulat nito sa kanya. Sa sobrang pagkasabik na malaman ang katauhan ng lalaki, she chartered a plane para lang makabalik sa Maynila.

Nabuwisit si Angela nang malamang hindi siya nag-iisa sa flight na iyon. Kasama niya ang isang lalaking nagngangalang Jaime na guwapo nga, mailap at arogante naman.

Pero hindi sa Maynila nag-landing ang eroplano. Nag-crash sila sa isang isla. Doon sa islang iyon, nabuo ang pag-ibig sa pagitan nila ni Jaime.

 Nang ma-rescue sila, isang bagay ang nadiskubre ni Angela na labis niyang ikinapanlumo. Si Jaime ay si Miguel. She loved the man she was supposed to hate!